TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Agjencia ndërkombëtare e vlerësimit të kreditit Moody’s ka përmirësuar perspektivën për Shqipërinë nga “e qëndrueshme” në “pozitive”, ndërsa ka konfirmuar vlerësimin e vendit në nivelin “Ba3”.
Sipas Moody’s, ndryshimi i perspektivës lidhet me forcimin e pozicionit fiskal dhe atij të jashtëm të Shqipërisë, si dhe me përshpejtimin e reformave strukturore në kuadër të procesit të anëtarësimit në Bashkimin Evropian.
Agjencia parashikon që ekonomia shqiptare të rritet me 3.6% gjatë vitit 2026 dhe me 3.5% në vitin 2027. Në vlerësimin e saj, rritja ekonomike dhe deficitet e kontrolluara fiskale pritet të ndikojnë edhe në uljen graduale të borxhit publik.
Moody’s parashikon që borxhi i qeverisjes së përgjithshme të zbresë nga 52.9% e PBB-së në fund të vitit 2025, në rreth 50.2% në vitin 2027.
Në raport theksohet gjithashtu forcimi i pozicionit të jashtëm të vendit, rritja e investimeve të huaja direkte dhe shtimi i rezervave valutore, të cilat në qershor 2026 arritën në rreth 7.9 miliardë euro.
