TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Shqipëri sondazhet për zgjedhjet janë të pakta, ndaj priten me një lloj interesi sa herë që ato zhvillohen. Një të tillë për zgjedhjet e 25 prillit e kishte lajmëruar edhe televizioni ABC me anë të një spoti publicitar që u transmetua për disa ditë në këtë ekran.
Sondazhi do të organizohej nga kompania izraelite Geo Cartography Knowledge Group. Ai do të publikonte 5 sondazhe mujore dhe exit poll natën e zgjedhjeve.
[video width="480" height="270" mp4="https://cdnimpuls.com/tpz.al/wp-content/uploads/2020/12/vide.mp4"][/video]
Sondazhi i parë ishte paralajmëruar të transmetohej këtë të hënë në emisionin “Log.”, por çuditërisht ky program ka pasur një debat për çështjen e kufirit detar me Greqinë. Edhe gazetari Endri Xhafo që drejton këtë emision e kishte lajmëruar më herët në rrjetet sociale publikimin e këtij sondazhi.
Ajo që bie në sy është se spoti publicitar është zhdukur nga faqja e ABC në internet. Arsyet e anulimit të sondazhit mbeten ende të paqarta derisa organizatorët të japin një shpjegim./ Lapsi.al/
