TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka nisur prej një ore takimi i kryeministrit Edi Rama me ministrat në qytetin e Elbasanit.
Takimi i Ramës me ministrat po zhvillohet në një restorant në zonën e Labinotit, ndërsa pritet të jenë të pranishëm ministrat e shkarkuar dhe ata të emëruar.
Po ashtu në takim janë të pranishëm dhe kreu i Kuvendit Gramoz Ruçi si dhe kreu i grupit parlamentar në PS Taulant Balla. Në zonën ku po zhvillohet takimi gazetarja e Fax News Entela Duka raporton se ka forca të shumta sigurie, ndërsa një grup qytetarësh e kanë pritur Ramën me protesta.
Qytetarët janë bërë bashkë pwr tw protestuar, duke lëshuar thirrjet: Rama ik, qeveri e krimit, qeveri e drogës! Në mesin e qytetarëve që protestojnë është dhe deputeti demokrat Luçiano Boçi. Protestuesit kanë tentuar që ti afrohen resortit ku po zhvillohet takimi po janë mbajtur larg nga ana e policisë.
Takimi i qeverisë po zhvillohet me dyer të mbyllura, dhe është i pari që zhvillohet për vitin 2019. Një pjesë e ministrave të propozuar nga Rama, ende nuk janë dekretuar nga presidenti Meta, i cili ka marrë kohë për të shqyrtuar figurat e tyre.
Meta nuk ka dekretuar derimë tani as shkarkimin e ministrit të jashtëm Ditmir Bushati, duke mbajtur pezull për një javë marrjen e këtij vendimi.
