TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Supersfida e kësaj jave në kampionatin anglez, ajo mes Mançester Sitit dhe Totenhem, është mbyllur mes polemikave, pasi skuadrës vendase i është anuluar në shtesë një gol nga VAR që normalisht do t’i kishte siguruar fitoren.
Në një duel shumë të bukur, Mançester Siti ishte ai që kaloi i pari në avantazh me Sterling, por u arrit shpejt nga Lamela. Gjithsesi, pasimi perfekt i De Bryjn për Agueron bëri që argjentinasi të gjente rrjetën dhe të mbyllte pjesën e parë me ekipin e tij në avantazh.
Siti krijoi raste të tjera para se Lukas Moura, ai që i hoqi nga duart finalen e Ligës së Kampioneve, të gjente rrjetën në pjesën e dytë, pak sekonda pasi kishte hyrë në fushën e lojës. Sulmet e Sitit nuk u ndalën dhe Bernardo Silva goditi traversën, ndërsa me hyrjen në fushë të Zhezus, ky i fundit krijoi raste të njëpasnjëshme derisa gjeti rrjetën.
Ishte minuta e 92-të e sfidës kur pas një harkimin në zonë, Laport uli topin për brazilianin i cili e dërgoi në rrjetë. Por gjyqtari kontrolloi gjithçka me VAR dhe për një prekje të lehtë me dorë të mbrojtësit anuloi golin e Sitit që do të sillte fitoren, mes protestave të shumta të ekipit të Guardiolës që vazhduan edhe në rrugën drejt dhomave të zhveshjeve pas vërshëllimës përfundimtare që dekretoi barazimin 2-2.
