TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Liverpuli po dominon futbollin anglez dhe duket se titulli kampion këtë sezon ëhstë vetëm çështje kohësh. Të besuarit e Klop nuk njohin asnjë humbje këtë sezon dhe sot e kanë nisur vitin 2020 në mënyrën më të mirë, duke mundur Shefildin me rezultatin 2-0. Që në minutën e 4 ishte Salah ai që shënoi golin e avantazhit për skuadrën e tij.
Në pjesën e dytë ishte radha e Manes për të shënuar golin e dytë pasi u shërbye në zonë nga Salah. Kjo fitore e shkëput edhe më shumë në krye të tabelës skuadrën e Liverpulit, duke qenë tashmë në kuotën e 58 pikëve. Në 20 ndeshje të luajtura, Liverpuli numëron plot 19 fitore dhe vetëm një barazim kundër Mançester Junajtid.
Skuadra e Klop numëron pas 20 javësh plot 13 pikë më shumë se Leisteri i vendit të dytë dhe 14 më shumë se Mançester Siti. Sezonin e shkuar, Liverpuli e mbylli në kuotën e 97 pikëve, por nuk arriti të fitonte titullin kampion pasi skuadra e Mançester Sitit kishte vetëm një pikë më shumë. Megjithatë, Liverpuli festoi në fund me trofeun e Ligës së Kampionëve.
Liverpul – Shefild 2-0
4’ Salah, 64’ Mane
