TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Është liruar me leje të posatshme nga drejtoria e burgjeve, Safet Bajri. Kjo pasi babai i tij ka ndërruar jetë, dhe ”i forti i Shkodrës” është lejuar që të marrë pjesë në ceremoninë mortore.
Leja është firmosur për gjashtë orë, ndërsa varrimi është kryer mesditën e sotme.
Bajri është shoqëruar me masa të forta sigurie drejt qytetit të Shkodrës, dhe brenda ditës së sotme, pritet të rikthehet sërish në qeli.
Kujtojmë se Safet Bajri u arrestua nga ana e policisë në Shtator të 2018-tës në zonën e Xhamllikut në kryeqytet. Ai dyshohet të jetë kreu i një grupi kriminal që kryente trafik droge, vrasje dhe trukim ndeshjesh.
Rezulton se Bajri është dënuar edhe nga drejtësia belge për akuzën e shfrytëzimit të prostitucionit, dënim të cilin po e vuan në Shqipëri.
