TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Patrisia Rodriguez, motra e Georgina Rodriguez, partneres së Kristiano Ronaldos, është duke kaluar një moment të vështirë financiar, teksa në një prononcim të dhënë së fundmi tregon se është nënë e tre fëmijëve dhe e ka shumë të vështirë ta përballojë jetesën, ajo shprehet gjithashtu se ndihet e injoruar nga motra e saj që pavarësisht gjendjes financiare nuk e merr mundimin për ta ndihmuar.
“Jam në vështirësi dhe motra ime nuk më ndihmon. Ajo që më lëndon më shumë janë fëmijët e mi, jo unë. Në fund të ditës, unë mund të ha me një copë bukë të fortë, por fëmijët e mi, të cilët janë nipat e tyre…”.
Patrisia tregon se e trishton fakti që nuk ka ndihmë nga askush, por nuk e kupton arsyen e këtij distancimi dhe për këtë kërkon përgjigje.
“Nuk e kuptoj, nuk e di nëse kanë turp për mua . Nuk e kuptoj dhe prandaj flas në televizion për të marrë një përgjigje”, u shpreh Patrisia.
