TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nuk është e thjeshtë të flasësh në publik për ndjesitë që të falin fëmijët dhe të mos emocionohesh. Edhe këngëtarja Silva Gunbardhi, kur rrëfen për marrëdhënien që ka me birin, e ka të vështirë t’i kontrollojë emocionet.
E ftuar këtë pasdite në “Rudina”, në Tv Klan, Silva rrëfeu se Dalvi, djali 8-vjeçar, arrin t’ia kuptojë asaj të gjitha ndjesitë, madje edhe në çastet kur ajo është e mërzitur ai është aty për t’i ofruar gjithë mbështetjen.
“Ashtu siç e kuptoj unë Dalvin, më kupton edhe ai mua. Unë dua që jo vetëm të rritet i lumtur, por edhe të bëhet një njeri i mirë. E vlerësoj shumë njeriun. Do e kisha që ai gjithmonë të ndalte dhe të më dëgjonte, ta ndiente dhe ai siç e ndiej unë shqetësimin e tij, gëzimin e tij, pavarësisht se nuk ma thotë dhe deri tani ai më kupton më shumë nga të gjithë… Sa herë jam e mërzitur, është i vetmi që vjen dhe më fshin lotët. Më përqafon dhe përqafimi i tij më shkon në shpirt. E ndiej shumë, më jep shumë forcë, shumë”, – tha këngëtarja e emocionuar.
