TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sulmuesi i Mançester Junaitid dhe Portugalisë, Kristiano Ronaldo ka krijuar një tjetër rekord pasi numri i njerëzve që e ndjekin në Instagram ka arritur në mbi 500 milionë. Ai është personi i parë që e ka arritur këtë sukses.
Sulmuesi portugez u bë personi më i ndjekur në Instagram kur arriti në 237 milionë ndjekës në shtator 2021. Në shkurt të vitit 2022 ai arriti në 400 milionë dhe në vetëm 9 muaj Ronaldo krijoi një tjetër rekord.
Rekordi i fundit i Ronaldos nuk ishte aspak befasi. Ylli portugez ka qenë shumë në lajm kohët e fundit. Të shtunën, ai dhe Lionel Messi pozuan së bashku në një tabelë shahu dhe fotografia u bë menjëherë virale.
Postimi i Ronaldos në Twitter për të njëjtën gjë ka mbledhur më shumë se 1.6 milionë pëlqime.
Ndërsa Ronaldo mbetet personi më i ndjekur në Instagram, rivali i tij prej kohësh Mesi mbetet i dyti më i ndjekuri me 376 milionë.
