TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Hollywood-i po rikthen një nga filmat më ikonikë të viteve ’80, sipas “New York Post”.
Aktorja Jennifer Grey është konfirmuar se do të rikthehet në rolin e saj legjendar si Frances “Baby” Houseman në vazhdimin e filmit të famshëm “Dirty Dancing”.
Sipas medieve amerikane, projekti po zhvillohet nga “Lionsgate”, ndërsa Jennifer Grey do të jetë jo vetëm protagoniste, por edhe producente ekzekutive e filmit.
Vazhdimi synon të respektojë trashëgiminë e filmit origjinal të vitit 1987, i cili u kthye në një fenomen kulturor dhe romantik për breza të tërë.
Filmi i ri pritet të zhvillohet dekada pas ngjarjeve të para dhe do të sjellë një histori të re, duke mos tentuar të zëvendësojë apo kopjojë marrëdhënien ikonike mes Baby dhe Johnny Castle, rol i interpretuar nga i ndjeri Patrick Swayze.
Skenari po shkruhet nga Kim Rosenstock, ndërsa xhirimet pritet të nisin gjatë vitit 2026.
Ende nuk është bërë publik një datë zyrtare e premierës, as detaje të tjera mbi kastin apo linjën e saktë të rrëfimit.
“Dirty Dancing” mbetet një nga filmat më të dashur të historisë së kinemasë, i njohur për muzikën, kërcimin dhe historinë e tij romantike, dhe rikthimi i Jennifer Grey ka ngjallur interes të madh te fansat në mbarë botën.
