TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Liam Delap është shumë pranë transferimit te Nottingham Forest, pasi klubi anglez ka arritur marrëveshje në parim me Chelsea-n për transferimin e sulmuesit.
Sipas raportimeve të fundit, marrëveshja mes dy klubeve kap shifrën e rreth 50 milionë eurove, ndërsa vetë Delap ka rënë dakord për kushtet personale të kontratës me Nottingham Forest, e cila pritet të jetë e vlefshme deri në vitin 2031.
Transferimi i jep fund aventurës së 23-vjeçarit në Stamford Bridge, ku nuk arriti të siguronte hapësirat e pritshme. Chelsea e kishte afruar Delap nga Ipswich Town për rreth 30 milionë paund, por sulmuesi e pati të vështirë të gjente një rol të rëndësishëm në skuadër, duke shënuar vetëm një gol në kampionat sezonin e kaluar. Situata e tij ishte bërë edhe më e qartë në ditët e fundit. Delap nuk ishte përfshirë në skuadrën e Chelsea-t për ndeshjen ndaj Fulham dhe po stërvitej veçmas nga grupi kryesor, ndërsa klubi londinez po punonte për të reduktuar numrin e lojtarëve në dispozicion të trajnerit Xabi Alonso.
Për Nottingham Forest, Delap shihet si një përforcim i rëndësishëm në repartin ofensiv. Trajneri Oliver Glasner kërkonte të shtonte cilësinë në sulm dhe anglezi është konsideruar një nga objektivat kryesorë të klubit në ditët e fundit të merkatos. Delap pritet të nisë një kapitull të ri në karrierë te Forest, me klubin që beson se sulmuesi mund të rikthejë formën që tregoi më herët në Premier League.
