TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri i Kosovës Albin Kurti, ka zhvilluar ditën e sotme një vizitë në Paris, ku është pritur nga presidenti Emmanuel Macron.
Gjatë fjalës së tij, Kurti është shprehur për mbështetjen që Franca i ka dhënë Kosovës për zhvillimin ekonomik dhe jo vetëm.
Po ashtu Kurti u shpreh se ai dhe qeveria e tij janë të angazhuar për paqen, mirëqenien, integrimin dhe zhvillimin e mëtejshëm të vendit, duke shtuar se bashkëpunimi i mirë mes Francës dhe Kosovës do të vijojë edhe më tej.
“Jam i nderuar të jem sot këtu. Është privilegj dhe përgjegjësi për mua si kryeministri i shtetit më të ri për të garantuar se Kosova do të jetë gjithnjë me aspirata demokratike. Ne besojmë se Europa është besimi më i mirë për të hedhur baza të drejta.
Ne besojmë se po krijohet një situatë e re politike, me pjesëmarrje më të artikuluar dhe në një situatë të tillë ne do të kontribuojmë me të gjithë mundësitë tona. Ndihem i nderuar që do të kem mundësinë të flas me përfaqësuesin më të lartë të popullit francez për zhvillimet e Kosovës.
Si kryeministër dhe qeveri jemi angazhuar për paqe, mirëqenie integrimin e dhe zhvillimin e vendit”, tha Kurti
