TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aksi drejt rrethrrotullimit të TEG-ut është një nga rrugët më problematike në kryeqytet, pasi në këtë zonë bëjnë gara me makina luksoze kryesisht shoferë të rinj.
I ftuar në emisionin Opinion, gazetari Spartak Koka thotë se policia nuk ka një plan masash për këtë segment rrugor, ku vetëm disa ditë më parë një 17-vjeçar humbi jetën nga garat me makina.
Nga ana tjetër, Policia e Shtetit thotë se janë stacionuar patrulla 24 orëshe tek rrethrrotullimi i TEG-ut, ndërsa gazetari këmbëngul se kjo ka ndodhur vetëm pas aksidentit me vdekje dhe nuk ka patur më parë.
“Policia e Shtetit thotë se ne kemi filluar nga Tetori dhe ditët e fundit kemi shërbim 14 orë. Po 10 muajt e tjerë ku ishte policia?
Në rast se ata nuk e duan jetën, ai 17-vjeçari nuk e do jetën, ai drejtuesi shoku i viktimës nuk e do, duhet ne si vend të marrim masa.
Se nuk mund të dalë ministri i Brendshëm këtu dhe të na thotë se cili është plani i masave që shqiptarët të mbledhin mendjen e kokës.
Të gjithë vendet ku ne duam të aderojmë, kanë plan masash. Ato thonë ta ulim standardin nga 45 viktima për 1 milion banorë, ne e kemi 98-100 viktima për 1 milion banorë”, tha gazetari Spartak Koka.
