TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-ambasadori shqiptar Arben Çejku e cilëson krizën politike në Kosovë si një krizë të thellë kushtetuese dhe institucionale, duke paralajmëruar se situata mund të përkeqësohet nëse nuk arrihet shpejt një kompromis politik.
“Në Kosovë nuk kemi më vetëm një konflikt politik. Sot kemi një krizë të thellë kushtetuese dhe ligjore, e cila prek vetë themelet e funksionimit të shtetit. Nëse nuk gjendet një kompromis në një kohë të shkurtër, situata vetëm sa do të përkeqësohet”, shprehet Çejku.
Ai kërkon nga kryeministri Albin Kurti që të marrë përgjegjësinë politike dhe të hapë një dialog gjithëpërfshirës me partitë politike.
“Kurti duhet me urgjencë të udhëheqë një dialog për ta nxjerrë vendin nga kjo krizë. Ai ka në dorë të ndikojë në mënyrën se si Kosova do të shihet nga miqtë dhe kundërshtarët e saj në këtë moment delikat”, thotë Çejku.
Ish-ambasadori kritikon edhe mënyrën se si po përdoret diaspora, duke theksuar se ajo duhet të jetë faktor bashkues dhe jo të përdoret për të thelluar ndarjet politike.
“Diaspora nuk duhet të përdoret si karburant për konfliktin politik të brendshëm. Ajo duhet të mbetet një aset kombëtar dhe jo një mjet për të thelluar ndarjet”, deklaron ai.
Çejku paralajmëron se zgjatja e krizës rrezikon jo vetëm funksionimin e institucioneve, por edhe besueshmërinë dhe imazhin ndërkombëtar të Kosovës.
