TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Edhe pse për katër ditë numri i të infektuarve në Itali pati një ulje dje, numri i të prekurve nga koronavirusi u rrit sërish.
Por sidoqoftë, shpejtësia e përhapjes së virusit është në rënie. Aktualisht, janë raportuar 62 013 të infektuar në Itali, me një rritje prej 4492 rastesh të reja duke e çuar totalin e të prekurve, përfshirë viktimat dhe të shëruarit, në mbi 80 mijë.
Numri i viktimave sipas të dhënave të fundit ka shkuar në 8215, 712 më shumë në krahasim me të mërkurën.
Sipas ekspertëve, tashmë është i afërt kulmi i epidemisë së koronavirusit në Itali. Por rritja e 24 orëve të shkuara, vjen sipas tyre për shkak të shtimit të numrit të testeve të bëra.
Presidenti i Institutit të Lartë të Shëndetit në Itali, Silvio Brusaferro, në një konferencë për shtypin ka thënë se piku i pandemisë nuk është arritur akoma por pritet këto ditë.
“Nuk e kemi arritur ende kulmin e të infektuarve.
Kemi shenja të ngadalësimit të cilat na bëjnë të supozojmë se jemi afër. Këto shenja janë pozitive ç’ka na bën të mendojmë se masat e marra po japin efektet e tyre.
Të prekurit janë në rënie dhe presim që këto ditë të arrijmë dhe pikun e të infektuarve”- ka thënë Brusaferro.
