TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Laçi bën detyrën në sfidën shtëpiake me Luftëtarin tashmë të rënë nga Superiorja, fiton 3-1 dhe “blindon” vendin e tretë. Në fakt, 3 nga 4 golat e sfidës u shënuan nga futbollistët e skuadrës gjirokastrite, por 2 në portën e dytë.
Pa u mbyllur dy minuta lojë, Xhixha pasoi në qendër të zonës për Nwabuezen, por Armenis Kuka, gaboi në largimin e topit, duke e dërguar në portën e tij, 1-0.
Laçi e shënoi golin e sigurisë në fundin e pjesës së parë, teksa mbrojtja e bluzinjve u shfaq e paaftë për të larguar topin nga zonë, duke i dhënë mundësinë Xhixhës ta dërgonte topin në rrjetë, 2-0.
Pak pasi nisi pjesa e dytë, sërish Nwabueze vallëzoi në mbrojtjen mike, duke e detyruar Lalën që në rrëshkitje e sipër ta shtynte topin përtej vijës fatale, duke realizuar autogolin e dytë të skuadrës së tij.
Futbollistët e rinj të Luftëtarit luftuan me të gjitha mundësitë e tyre derisa në minutën e 85-të Memetllari shënoi golin e nderit për miqtë.
