TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nga një operacion i policisë kantonale të Freiburgut, 14 shqiptarë kanë përfunduar në pranga të akuzuar për qarkullimi e dhjetëra kilogram heroinë në kantonin e sipërpërmendur, atë të Bernës, Vaudit dhe Gjenevës.
Sipas policisë, droga ka një vlerë prej rreth një milion franga. Siç raportoi sot policia kantonale e Freiburgut, droga u importua nga jashtë në Zvicër, ku edhe është përpunuar dhe paketuar.
Policia e Freiburgut kapi rreth 8.5 kilogramë heroinë dhe rreth 10.5 kilogramë pluhur për “prerjen” e drogës dhe rreth 50.000 franga. Shitësit e drogës jetonin në rrethet e Sense dhe Gruyere, ku shpërndahen më pas heroina në kantonet e tjera. Zakonisht, lënda narkotike fshihej në pyll.
12 nga 14 trafikantët jetonin në Zvicër, ndërsa dy të tjerë jashtë këtij shteti. Ata janë arrestuar dhe transferuar pranë autoriteteve të drejtësisë në Freiburg.
Disa nga autorët e dyshuar janë në qelitë e paraburgimit, ndërsa të tjerët janë në burg për akuza të tjera, shkruan gazeta zvicerane “Blic”.
