Kandidatja e PS-së për Përmetin me vëlla të dënuar, zbulohet e shkuara e errët: Pse u përjashtua nga policia

---

---

Opozita ka akuzuar herë pas here maxhorancën në përgjithësi dhe kryeministrin Edi Rama në veçanti, se ka futur në parlament figura të inkriminuara. Po ashtu, opozita ka akuzuar kreun e qeverisë se po drejton vendin i mbështetur nga krimi. Pas vëllait të ish-ministrit të Brendshëm Fatmir Xhafaj, që rezulton i dënuar në Itali dhe tashmë po kryen dënimin atje, edhe kandidatja e PS-së për Bashkinë e Përmetit Alma Qamo (Hoxha), ka një vëlla të dënuar. Bëhet fjalë për Pëllumb Qamon, me detyrë Ndihmës specialist SPZ, në Njësinë Administrative Piskovë, Bashkia Përmet, i cili është përjashtuar nga policia për shkelje të rënda të Rregullores së Policisë së Shtetit. Lajmi për Qamon është dhënë asokohe nga Zëdhënësi i Policisë së Shtetit Gentian Mullai, pas një aksioni të policisë, ku arrestuan 2 policë, një u përjashtua (Pëllumb Qamo) dhe ndaj disa të tjerëve filloi procedimi disiplinor. Efektivët akuzohen për favorizim të kultivimit dhe trafikimit të drogës gjatë kohës që kanë qenë në detyrë. Në njoftimin e policisë së 9 prillit 2017 thuhej mes të tjerash:  -Inspektor Pëllumb Qamo, me detyrë Ndihmës specialist SPZ, në Njësinë Administrative Piskovë, Bashkia Përmet, për shkelje të rënda të Rregullores së Policisë së Shtetit – u përjashtua nga Policia e Shtetit

-Komisar Kastriot Ndoj, me detyrë Shef Seksioni për Krimet në Komisariatin e Policisë Përmet, për shkelje të rënda të Rregullores së Policisë së Shtetit – u shkarkua nga detyra.

-Kryekomisar Ermir Gërxhani, me detyrë Shef i Komisariatit të Policisë Përmet, për shkelje të rënda të Rregullores së Policisë së Shtetit – u shkarkua nga detyra.

-Komisar Asim Beqiraj, me detyrë Shef i Seksionit të Sigurisë Publike, në Komisariatin e Policisë Përmet, për shkelje të Rregullores së Policisë së Shtetit – filloi procedimi disiplinor.

-Komisar Gentjan Shehu, me detyrë Shef i Seksionit për Hetimin e Narkotikëve, në DVP Gjirokastër, për shkelje të Rregullores së Policisë së Shtetit – filloi procedimi disiplinor.

-Kryekomisar Agim Fejzo, me detyrë Shef i Sektorit për Hetimin e Trafiqeve dhe Narkotikët, në DVP Gjirokastër, për shkelje të Rregullores së Policisë së Shtetit – filloi procedimi disiplinor.

-Drejtues Fatmir Hoxha, me detyrë Zëvendësdrejtor për Hetimin e Krimeve dhe Sigurinë Publike, në DVP Gjirokastër, për shkelje të Rregullores së Policisë së Shtetit – filloi procedimi disiplinor.

-Drejtues i Parë Aranit Arapi, me detyrë Drejtor në Drejtorinë Vendore të Policisë Gjirokastër, për shkelje të Rregullores së Policisë së Shtetit – filloi procedimi disiplinor.

Mësohet se këto vendime janë marrë, pasi nga hetimet e kryera lidhur më këtë sasi droge, këta policë nuk kanë ushtruar kontrolle në të gjitha ambientet e përcaktuara, përfshirë edhe magazinat në fshatin Pagri.

Më parë u arrestuan Rustem Muçelli, 51 vjeç, Eqerem Ali, 60 vjeç, dhe kryeplaku i fshatit Pagri, Koço Zaimaj, 58 vjeç, ndërsa në kërkim u shpall Ismail Saliu, 61 vjeç.

Kujtojmë se opozita ka akuzuar vazhdimisht qeverinë, se sipas tyre që të bëhesh kandidat apo të kesh poste të larta duhet të kesh lidhje me krimin. dosja.al