LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 5 Shkurt 2018, 13:01

Kandidatët për KLGJ e KLP, Bylykbashi: Ju duhet SPAK-u provizor që të mbyllni dosjet

TPZ

Komisioni ad-hoc për zgjedhjen e kandidaturave për KLGJ e KLP është mbledhur për të fundit herë sot, për të nxjerrë listën përfundimtare që do t'i kalojë Kuvendit, por ai ka mbizotëruar nga debatet dhe kundërshtitë. Demokrati Oerd Bylykbashi ka deklaruar qartë se janë po ata kandidatë si në fillim, me probleme me ligjin dhe se gjithçka po bëhet pa konsensus, me qëllimin që mazhoranca të mbyllë dosjet e hapura.

Kryetari Ulsi Manja  tha se "procedura po vijon me  lista të reja; lista do t’i kalojë parlamentit në seancën e së enjtes dhe  se kjo e  sotmja për anëtarë të KLGJ e KLP është përfundimtare. Nëse lista nuk merr 2/3 e votave, do të miratohet automatikisht."

Por, Bylykbashi ia ka hedhur poshtë "listat e reja": "Janë po ata kandidatë me probleme me ligjin, - theksoi ai. -  Kandidatët janë tërësisht nën kontrollin e qeverisë. Kandidatë të skualifikuar nga ONM-ja, kandidatë që nuk paguajnë taksa. Këtij procesi i mungon konsensusi kushtetues. SPAK-u juaj u krijua me marrëveshjen Xhafaj-Marku, një  SPAK provizor që  ju duhet që të mbyllni dosjet."