LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 30 Mars 2018, 19:53

Ja si FSHF gënjeu me reagimin publik për Zgjedhjet

TPZ
Ja si FSHF gënjeu me reagimin publik për Zgjedhjet

Gjykata e Tiranës nuk regjistroi vendimin e Asamblesë Zgjedhore gjatë ditës së sotme, duke u bazuar te paligjshmëria e anëtarëve që votuan.

“Vipsport.al” ka siguruar nga burime pranë FSHF-së, edhe vendimin e argumentuar të Gjykatës, në të cilën parashtrohen shumë qartë edhe arsyet, pse nuk u vendos që të rregjistrohej Asambleja Zgjedhore e datës 7 shkurt.

Ajo që e bën akoma më shqetësuese qëndrimin e FSHF-së, është fakti që vazhdojnë të gënjejnë opinionin publik. Në reagimin e tyre, ka një tentativë për të ofenduar inteligjencën e sportdashësve, duke pasur njëkohësisht edhe një mashtrim publik.

Më poshtë, ju argumentojmë edhe arsyet pse FSHF vazhdon të gënjejë dhe të manipulojë:

Së pari, në reagimin e saj, FSHF nuk e mohon që Gjykata vendosi të mos e regjistrojë vendimin e Asamblesë (këtu ka një përqindje sinqeriteti të detyruar nga ana e tyre).

Së dyti, FSHF deklaron se Gjykata u ka kërkuar disa dokumentacione, të cilat ata do i plotësojnë. Pikërisht në këtë justifikim, “Vipsport.al” i bën të ditur ekskluzivisht opinionit publik se si qëndron e vërteta, shumë larg asaj që Federata mundohet të fshehë:

  1. FSHF depozitoi në Gjykatë dosjen për të regjistruar Asamblenë Zgjedhore të datës 7 shkurt, disa ditë pasi kishin përfunduar zgjedhjet.

  2. Më datë 13 mars 2018, Gjykata konstatoi se kishte mungesë të madhe dokumentacionesh dhe i kërkoi Federatës që t’i paraqiste midis të tjerave:

  • “Kush ishin anëtarët që votuan”,

  • “A ishin të regjistruar në Gjykatë apo në QKB”

  • “Kush ishin personat e mandatuar me të drejtë vote dhe mandatet e tyre”

Për këtë gjë, i la në dispozicion FSHF-së plot 13 ditë, pasi duhet t’i paraqisnin deri më datë 26 mars 2018.

  1. Pasi patën kohë për dokumentacionet dhe i dorëzuan në Gjykatë (pra gënjejnë kur thonë se Gjykata u ka kërkuar disa dokumentacione të tjera, pasi e patën kohë dhe i dorëzuan), Gjykata konstatoi se:

  • Disa Shoqata nuk ishin fare të regjistruara në Gjykatë dhe si rrjedhojë nuk kanë pasur të drejtë për të votuar.

  • Disa anëtarë të tjera, ishin regjistruar në Gjykatë, disa ditë pasi u kishte përfunduar afati për të dorëzuar mandatet e delegimit për votën. Pra, afati i fundit ishte data 19 janar 2018 dhe këto Shoqata janë regjistruar në fillim të shkurtit. Ilegale se si janë pranuar mandatet e tyre për të votuar, kur në atë kohë ishin të parregjistruar.

Në përmbyllje të këtyre argumentave, “Vipsport.al” i tregon opinionit publik me transparencë, se si FSHF vazhdon të tentojë për të manipuluar.

Për sqarim, sot kemi një president FSHF-je dhe 10 anëtarë të Komitetit Ekzekutiv, që nuk kanë të drejtë të marrin asnjë vendim, që nuk mund të firmosin asgjë dhe mbi të gjitha që nuk e morën dot zyrtarisht mandatit, për shkak të paligjshmërisë së zgjdhjeve.