TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Interi ka marrë një fitore shumë të rëndësishme ditën e sotme, teksa ka mposhtur në shtëpi Sampdorian me rezultatin 2-1.
Ndeshja nisi mirë për zikaltërit, të cilët që në fillim kishin disa raste shënimi. Ishte Romelu Lukaku, i cili pas disa kombinimeve perfekte me Kristian Eriksen, ia doli ta dërgojë topin në rrjetë në minutën e 10’, duke i dhënë avantazh zikaltërit.
Megjithatë dominimi i zikaltërve nuk përfundoi këtu, edhe pas këtij momenti, të besuarit e Kontes kishin disa raste të tjera shënimi, por duhet të vinte minuta e 33’, kur Lautaro Martinez shënoi përsëri për Interin dhe dyfishoi shifrat. Me këtë rezultat u mbyll pjesa e parë, ndërsa në të dytën të besuarit e Kontes u panë më të tërhequr.
Nga kjo përfitoi Sampdoria që u hodh në sulm dhe në minutën e 53’ Thorsbi shënoi një gol shpresë për miqtë, por vetëm kaq, pasi nuk ia dolën të gjenin edhe një gol tjetër. Me këtë fitore Interi shkon në kuotën e 57 pikëve në vendin e 3-të, gjashtë pikë më pak se Juventusi kryesues.
