TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në SHBA ende nuk kemi një fitues të zgjedhjeve, pasi numërimi i votave vijon, po ashtu edhe debati dhe replikat mes dy kandidatëve.
Për momentin Joe Biden, duket se po fiton në Wisconsin dhe Michigan, çka i rrit shumë shanset e tij për t’u zgjedhur president dhe ka një përmbysje të rezultateve paraprake me atë çka u pa gjatë natës, për shkak se janë numëruar edhe votat me postë, të cilat i kanë dhënë avantazh Biden.
“Ne nuk do të pushojmë derisa të numërohet vota e të gjithëve” shkruan ai.
Por, Donald Trump ka reaguar sërish, duke shtuar pikëpyetjet mbi procesin zgjedhor. Ai vijon me deklarata të paprecedenta, që vënë në pikëpyetje integritetin e zgjedhjeve.
“Mbrëmë unë po udhëhiqja, shpesh bindshëm, në shumë shtete kyçe, të cilat i kishin drejtuar dhe kontrolluar demokratët. Më pas, një nga një, ato nisën të zhdukeshin si me magji, pasi u numëruan vota të hedhura surprizë. SHUMË E ÇUDITSHME, dhe ata që bëjnë sondazhe gabuan totalisht dhe historikisht“, shkruan Trump në Twitter.
