TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një kapitull i rëndësishëm i futbollit brazilian ka marrë fund. Trajneri i Brazilit, Carlo Ancelotti, ka konfirmuar se Neymar nuk do të rikthehet më në Kombëtare, duke i dhënë fund karrierës së tij me fanellën e “Seleçaos”.
Vendimi vjen pas eliminimit të Brazilit nga Botërori 2026 dhe pas deklaratave të vetë Neymarit, i cili kishte bërë të ditur se nuk dëshironte të vazhdonte më të luante për përfaqësuesen.
Neymar largohet nga Kombëtarja si golashënuesi më i mirë në historinë e Brazilit, me 80 gola në 130 ndeshje. Ai ishte një prej figurave kryesore të futbollit brazilian për më shumë se një dekadë dhe mori pjesë në katër edicione të Kupës së Botës.
Në Botërorin e fundit, 34-vjeçari luajti vetëm në pak minuta për shkak të problemeve fizike. Pas humbjes 2-1 ndaj Norvegjisë, Neymar shënoi nga pika e bardhë, por më pas shpërtheu në lot dhe deklaroi se gjithçka kishte përfunduar.
Ancelotti ka nisur tashmë një proces të gjerë rinovimi të Kombëtares braziliane, duke i dhënë hapësirë një gjenerate të re lojtarësh. Në grumbullimin e parë pas Botërorit, Neymar ishte mes veteranëve të lënë jashtë listës.
Një epokë mbyllet kështu përfundimisht: Neymar nuk do ta veshë më fanellën e Brazilit.
