TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një zëvendëspresidente e Bank of America është vrarë me thikë në Times Square, në New York, në një sulm që autoritetet e kanë cilësuar si të rastësishëm dhe të paprovokuar.
Ngjarja ndodhi të hënën rreth orës 16:24, sipas orës lokale, në zonën pranë West 42nd Street dhe Seventh Avenue, në zemër të Manhattanit.
Viktima është identifikuar si Erin Piacenti, 32 vjeçe, konfirmoi Policia e New York-ut (NYPD). Bank of America konfirmoi humbjen e një prej punonjëseve të saj.
Ajo ishte zëvendëspresidente në njësinë Business Selection and Conflicts të Bank of America, sipas profilit të saj në LinkedIn.
Komisionerja e NYPD-së, Jessica Tisch, tha se sulmi dukej se ishte i rastësishëm dhe i paprovokuar. Sipas policisë, kur efektivët mbërritën në vendngjarje, gjetën Pamela Cisneros, 49 vjeçe, e cila mbante në duar dy thika të mëdha dhe u drejtua në drejtim të efektivëve.
Policët qëlluan ndaj Cisneros, e cila më vonë u shpall e vdekur. Komisionerja Tisch tha se 49-vjeçarja kishte një histori të dokumentuar të problemeve të shëndetit mendor.
Në sulm mbeti i plagosur edhe një 68-vjeçar, identiteti i të cilit nuk është bërë publik. NYPD bëri të ditur se ai kishte marrë plagë nga thika dhe ndodhej në gjendje të qëndrueshme.
Pas sulmit, rrugët e Midtown Manhattan u bllokuan përkohësisht, ndërsa automjetet e emergjencës mbërritën në zonë. Zyra e Bank of America në Manhattan ndodhet shumë pranë Times Square, në One Bryant Park.
“Jemi të tronditur dhe thellësisht të pikëlluar nga humbja tragjike e koleges sonë. Ajo ishte një anëtare e çmuar e ekipit dhe do të na mungojë shumë. Zemrat tona janë me familjen e saj dhe të gjithë njerëzit e saj të dashur”, tha Bank of America në një deklaratë të dërguar me email për Reuters të martën.
Hetimet për rrethanat e plota të sulmit vijojnë.
Matthew Koder, presidenti i Bank of America për bankën globale të korporatave dhe investimeve tha se ekipet e sigurisë së Bank of America janë “plotësisht të angazhuara për të mbështetur hetimin e policisë këtu, si dhe për të trajtuar çështjet e vazhdueshme të sigurisë dhe mbrojtjes së zyrave dhe kolegëve tanë”.
Zyra e Bank of America në Manhatan ndodhet shumë pranë Times Square, në One Bryant Park.
Gjatë sulmit, u lëndua edhe një 68-vjeçar, por ai ndodhet jashtë rrezikut për jetën.
Sipas policisë së qytetit, sulmi dukej se ishte i rastësishëm dhe i paprovokuar. Kur policët mbërritën në vendngjarje, gjetën Pamela Cisneros, një grua 49-vjeçare, e cila mbante në duar dy thika të mëdha dhe iu drejtua edhe policëve me kërcënime. Ata përdorën një armë elektrizuese (taser), por nuk arritën ta bindnin të hidhte armët.
Oficerët qëlluan ndaj Cisneros, e cila s’u mbijetoi plagëve.
