TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shtetet e Bashkuara të Amerikës pritet të vendosin së shpejti sanksione ndaj bankave, si pjesë e presionit të shtuar ekonomik ndaj Iranit.
Sekretari amerikan i Thesarit, Scott Bessent, tha sot se masat e reja pritet të shpallen këtë javë, ndërsa masa të tjera do të pasojnë javën e ardhshme.
Duke folur në kuadër të një takimi ministror të G20-s në Asheville, në Karolinën e Veriut, Bessent tha se SHBA-ja po i diskuton planet me aleatët e saj.
Sipas tij, Bashkimi Evropian, Britania e Madhe dhe vende të tjera kanë shprehur mbështetje të fortë.
Bessent bëri të ditur gjithashtu se SHBA-ja do të përpiqet të zbulojë dhe gjurmojë asetet që i përkasin Gardës Revolucionare Islamike të Iranit (IRGC).
Ai përmendi në mënyrë të veçantë llogaritë bankare në Ishujt e Virgjër Britanikë.
Javën e kaluar, sekretari amerikan i Thesarit njoftoi se SHBA-ja synon ta izolojë më tej Iranin ekonomikisht, përmes sanksioneve të reja, me qëllim ushtrimin e presionit të fortë ndaj udhëheqjes në Teheran.
Megjithatë, ai nuk dha detaje të plota mbi të gjitha masat e planifikuara.
Departamenti amerikan i Thesarit bëri të ditur se mund të vendosen të ashtuquajtura sanksione dytësore ndaj vendeve dhe organizatave që operojnë në pesë sektorë ekonomikë: asetet digjitale, teknologjia, ari, aviacioni dhe transporti detar.
OKB-ja, SHBA-ja dhe Bashkimi Evropian kanë vendosur prej vitesh sanksione të gjera ndaj Iranit.
Megjithatë, mbetet e paqartë nëse presioni i ri i paralajmëruar nga SHBA-ja, do ta afrojë Uashingtonin me objektivat e tij në konfliktin e bllokuar me Iranin.
Bessent tha se marrëveshja kuadër e arritur me Teheranin në qershor nuk funksionoi, sepse Irani nuk ishte i gatshëm të arrinte një marrëveshje.
Detyra e tij, shtoi ai, është të krijojë kushtet që Irani të arrijë një marrëveshje.
