TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
1300 protestues u arrestuan nga policia në Moskë gjatë një tubimi që kishte për qëllim kundërshtimin e vendimit të autoriteteve ruse, për të përjashtuar disa anëtare të opozitës për të marrë pjesë në zgjedhjet lokale që do të mbahen më 8 shtator.
Agjencia Reuters njofton se dëshmitarët tregojnë se disa nga të arrestuarit ishin kalimtarë të rastit.
Mediat ndërkombëtare raportojnë se policia me megafona u bënte thirrje turmave se po merrnin pjesë në demonstrata të paligjshme dhe se do të përballeshin me drejtësinë për shkeljen e ligjit dhe për bllokimin e rrugëve.
[caption id="attachment_282303" align="alignnone" width="608"]
Protestuesit kanë lëshuar thirrje kundër autoriteteve policore ruse.[/caption]
“Ky është fundi i eksperimentit 30 vjeçar me zgjedhjet" u shpreh një protestues për The Guardian.
[caption id="attachment_282304" align="alignnone" width="590"]
Sipas autoriteteve vendase, personat e ndaluar për të marrë pjesë në zgjedhje nuk kishin mbledhur firmat e nevojshme për të kandiduar edhe pse opozita pretendon të kundërtën.[/caption]
Autoritetet ruse përjashtuan rreth 30 persona nga e drejta për të kandiduar në zgjedhje duke shkaktuar zemërimin e qytetarëve. Protesta e 27 korrikut ishte thirrur nga lideri opozitar, Aleksei Navalny.
Ai është arrestuar më 24 korrik dhe është dënuar me 30 ditë burgim për thirrje të protestave. Autoritetet e kanë cilësuar protestën si të paligjshme.
