TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Detaje të reja kanë dal nga vrasja e Presidentit të vetëshpallur të Çamërisë Festim Lato në Holandë.
Sipas medias prestigjioze “De Telegraaf”, e cila i ka kushtuar një artikull vrasjes së Latos, mendohet që ky i fundit të jetë vrarë për arsyeje kriminale.
Dy prej personave të cilët kanë zgjedhur të flasim për “De Telegraaf” tregojnë se Lato në Holandë bënte një jetë të shfrenuar luksi dhe se rreth tij kishte shumë shqiptarë të cilët e mbronin.
Ndërkohë po sipas tyre Lato posedonte një sasi të madhe borxhesh, e pikërisht kjo është pista kryesore e dyshimit.
“De Telegraaf” ka publikuar dëshmitë e disa prej personave të mashtruar, të cilët kanë treguar si funksiononte sipërmarrja e mashtrimit të Latos. Njëri prej sipërmarrësve që ka rënë pre e Latos ishte “Vincent”, i cili nuk tregon emrin e vërtetë nga frika e hakmarrjes.
Për shkak të “qëllimeve të mira” të Latos, “Vincent” thotë se i ka dhënë “një shumë me pesë zero” atij, që i kishte bërë disa premtime.
“Nën maskën e luftës për një Çamëri të pavarur, Lato iu afrua dhjetëra sipërmarrësve Holandezë. Njëri prej tyre ishte “Vincent”.
Pjesërisht për shkak të ‘qëllimeve të mira’ të Latos, Vincent – i cili për shkak të frikës së hakmarrjes nuk dëshiron të thirret me emrin e tij të vërtetë – i dha Shqipërisë një ‘shumë me pesë zero’.”, shkruan “De Telegraaf”.
Një tjetër ish-punonjës i Latos konfirmoi se “Vincent” ishte vetëm një nga shumë viktimat e mashtrimit.
“Të paktën shtatë milionë euro’ borxhe”, thotë një tjetër ish-punonjës, ndërsa në prill të këtij viti falimentoi. Sipas “Vincent”, vitin e kaluar Lato ishte duke u ndjekur nga policia.
Hetimi kishte nisur pas denoncimit të personave që Lato kishte mashtruar. Por një zëdhënës i policisë nuk pranon të komentojë.
Sipas “De Telegraaf” një “figurë mafioze” tjetër deklaron: “Ai gjithmonë kishte mijëra euro të gatshme. Në shtëpi, Lato kishte një grup shqiptarësh të fortë rreth tij.”, shprehet ai.
Ndërsa një tjetër person që ka punuar për të deklaron: “Dhe gjatë udhëtimeve ne ishim të shoqëruar nga truproja private të armatosura, qëndronim në hotele luksoze dhe lëviznim në Mercedes të blinduar”.
Ish-punonjësit thonë se Lato nganjëherë mbante një armë me vete dhe se ai dikur e ishte kërcënuar.
“Ai u bashkua me organizatat ndërkombëtare, organizoi konferenca dhe shkoi në Parlamentin Europian në Bruksel dhe Pallatin e Paqes në Hagë. Lato bënte shpesh foto para flamujve të vendeve evropiane dhe me personalitete”, shkruan media holandeze.
Drejtori i Pallatit të Paqes Erik de Baedts u shpreh se “Nuk e kemi njohur kurrë. Në qoftë se nuk do të kishte vdekur do të kishim marrë masa ligjore pas falsifikimeve të shumta që ai ka bërë.”
Një noter zbërthen akoma më shumë skemën e mashtrimit të Latos.
“Ky njeri ka shkaktuar shumë mjerim. Ai çoi shumë familje në humnerë financiare duke i mashtruar për Çamërinë. Ai kishte falsifikuar dokumentet zyrtare, për të bërë të duket se organizata e tij kishte miliona euro nga Bashkimi Evropian. Ai u kërkoi njerëzve dhjetëra mijëra euro.
Njerëzit e përfshirë pastaj do të shpërbleheshin bujarisht për këtë.
Në disa raste ai përfshiu njerëz të ndryshëm dhe i vuri nën kontroll”, thotë noteri, i cili shton se dëshiron të mbetet anonim për shkak të detyrës së tij të fshehtësisë.
“E kuptoj se paratë që ai vodhi shkuan në Shqipëri. Duhet të ketë miliona euro. Si vdiq ai? Duket shumë e mundshme që të jetë hakmarrje. Me sa duket ai u ngatërrua me personin e gabuar”- shkruhet ndër të tjera.
