TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në një kohë kur kampionate të rëndësishme po mendojnë që një ndeshje të tyre ta luajnë jashtë Europës, lajmi se edhe finalja e “Champions League” mund të mbahet jashtë kontinentit të vjetër nuk mund të neglizhohet.
Në fakt një hipotezë e tillë u bë e besueshme kur para pak ditësh drejtori i “Mediapro”, Jaume Roures, i tha programit “El Matí” në “Radio Catalunya” se “zhvillimi i një finaleje të Ligës së Kampionëve në New York është duke u negociuar”.
Por të gjithë ata që u mërzitën nga ky lajm nuk duhet të shqetësohen pasi presidenti i UEFA-s, Aleksandër Ceferin ka mohuar gjithçka. Përmes një deklarate zyrtare Ceferin thotë se “kjo ide nuk është duke u diskutuar fare” dhe se për momentin “UEFA nuk ka plane për të organizuar finalen e Ligës së Kampionëve jashtë Europës”, duke hedhur poshtë spekulimet se New York do të priste finalen e edicionit të vitit 2021 të këtij kompeticioni madhor të klubeve europiane.
Gjithsesi fjalët e fundit të Ceferin janë kontroverse me ato që vetë presidenti i UEFA-s tha në një intervistë për AP në vitin 2016 kur komentoi se zhvillimi i një finaleje të Ligës së Kampioneve jashtë Europës ishte “një ide për të ardhmen”.
