TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Autoritetet e Britanisë së Madhe kanë goditur Facebook me gjobën maksimale të mundshme mbi skandalin e saj për Cambridge Analytica. Por dënimi është i vogël.
Zyra e Komisionerit të Informacionit të Mbretërisë së Bashkuar njoftoi të enjten për gjobën prej 500,000 poundë (645,000 dollarë), duke thënë se Facebook dështoi të mbrojë të dhënat e përdoruesit.
Hetimet filluan në fillim të këtij viti pasi doli se Cambridge Analytica kishte marrë informacion për 87 milionë përdorues të Facebook pa lejen e tyre.
Një drejtues i Facebook tha në një deklaratë se ishte duke shqyrtuar vendimin.
"Ndërsa ne nuk jemi dakord me disa nga gjetjet e tyre, ne kemi thënë më parë se ne duhet të bëjmë më shumë për të hetuar pretendimet për Cambridge Analytica dhe për të ndërmarrë veprime në 2015," shtoi kompania.
Dënimi, që është më pak se çmimi mesatar i një shtëpie në Londër, nuk do të dëmtojë Facebook-un. Por Komisioneri i Informacionit paralajmëroi se çdo gjobë në të ardhmen do të jetë shumë më e lartë nën ligjin e ri të mbrojtjes së të dhënave të Evropës.
