TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri estonez, Kristen Michal, ka kritikuar marrëveshjen midis Shteteve të Bashkuara dhe Rusisë për nxjerrjen e naftës ruse në tregun ndërkombëtar, duke e cilësuar atë si një gabim të rëndë në llogaritje.
Në një reagim të publikuar në rrjetin social X, Michal paralajmëroi për pasojat e marrëveshjeve me regjimet diktatoriale, duke theksuar se ato mund të kushtojnë jetë të pafajshme.
"Marrëveshjet me diktatorët janë një rrugë për në ferr. Ajo lejon që njerëz të pafajshëm të vriten në këmbim të karburantit", deklaroi kryeministri estonez.
Michal shtoi se një marrëveshje e tillë bie ndesh me përpjekjet e vazhdueshme të vendeve perëndimore për të kufizuar të ardhurat që Rusia siguron nga burimet e saj energjetike.
"Një marrëveshje e tillë shkon kundër përpjekjeve të vazhdueshme të botës perëndimore për të kufizuar rrjedhën e parave që Rusia mund të fitojë përmes burimeve të saj të energjisë", shtoi Michal, duke u bërë thirrje aleatëve që të vazhdojnë ta izolojnë Rusinë në skenën ndërkombëtare.
