Suksesi ka qenë prej vitesh pjesë e jetës së këngëtares Eneda Tarifa.
Gjatë dy dekadave karrierë Eneda i është përkushtuar punës në fillim si këngëtare e më pas si prezantuese.
Ndërsa ditën e djeshme këngëtarja është rikthyer vite mbrapa dhe ka kujtuar daljen e saj të parë në skenë.
Hera e parë në skenë ka qenë kur ajo ishte vetëm 15 vjeçe me një bashkëpunim me këngëtarin tjetër të njohur Sajmir Çili.
"
Me shumë dashuri e kujtoj daljen time të parë në një skenë të madhe siç është ajo e Festivalit Kombëtar. Me shumë dashuri kujtoj Sajmir Çilin i cili më zgjati dorën duke më bërë pjesë të kompozimit të tij ‘Yjet e shpresës’.
Ky djalë me një zë kaq të ëmbël dhe me një talent të padiskutueshëm, (që në atë kohë kish filluar të bëhej i famshëm), më hapi një derë të madhe drejt suksesit. Dhe ja ku më vijnë nga vajza e tij disa foto të papublikuara më parë. Isea që sot është pjesë e një formati të dashur për mua si ‘voicealbania’ e që po të vazhdoja të isha pjesë, padyshim do ta meritonte t’i zgjasja dorën edhe unë siç bëri babai i saj me mua. Por gjithsesi nuk kursehem për një talent të rrallë si ty.
Mirënjohje për ty Sajmir dhe suksese Iseas në rrugën e bukur të artit”, shkruan këngëtarja krah fotos.
