TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i SHBA Donald Trump ka nisur një tur 11ditor në Azi, gjatë së cilës ai do të vizitojë Japoninë, Korenë e Jugut, Kinën, Vietnamin dhe Filipinet duke përjashtuar Korenë e Veriut.
Ky tur do të jetë më i gjati në kontinentin Aziatik i bërë ndonjëherë nga një president i SHBA në 25 vitet e fundit.
Udhëtimi vjen në një kohë mes tensioneve të larta me Korenë e Veriut mbi programin e saj bërthamor dhe testet e raketave.
Trump pritet të jetë më pranë me Korenë e Jugut dhe Japoninë duke shtyrë Kinën për të marrë një linjë mbikqyrje më të fortë me Phenianin.
Presidenti Trump ka shkëmbyer më parë një retorikë të zjarrtë me Korenë e Veriut mbi testet e raketave bërthamore.
Në Vietnam, Trump do të marrë pjesë në Samitin e Bashkëpunimit Ekonomik Azi-Paqësor në Danang dhe do të bëjë një vizitë shtetërore në Hanoi.
Angazhimi i tij përfundimtar do të jetë një samit i vendeve të Azisë Juglindore në kryeqytetin Filipin, Manila.
Hera e fundit që një president i SHBA bëri një udhëtim të tillë maratonë në Azi ishte kur George Bush vizitoi rajonin në fund të vitit 1991 dhe fillim të vitit 1992.
-Itinerari i Presidentit Trump në Azi
E diel, 5 nëntor: Mbërrin në Japoni. Golf me kryeministrin Shinzo Abe dhe lojtarin profesionist Hideki Matsuyama në Kasumigaseki Country Club. Takime dypalësh me kryeministrin Abe.
E martë, 7 nëntor: Do të jetë në Korenë e Jugut për bisedime me Presidentin Moon Jae-in. Trump do të drejtojë gjithashtu Asamblenë Kombëtare.
E mërkurë, 8 nëntor: Mbërrin në Kinë për një seri ngjarjesh përfshirë takimet me presidentin Xi Jinping.
E premte, 10 nëntor: Udhëton në Danang, Vietnam, dhe do të marrë pjesë në samitin e Bashkëpunimit Ekonomik Azi-Paqësor (Apec)
E shtunë, 11 nëntor: Udhëtin në Hanoi, Vietnam, për bisedime me Presidentin Tran Dai Quang dhe udhëheqësit e tjerë vietnamezë
E diel, 12 nëntor: Mbërrin në Manila, Filipine, për të marrë pjesë në një darkë gala për 50 vjetorin e Shoqatës së Vendeve të Azisë Juglindore (Asean)
E hënë, 13 nëntor: Do të marrë pjesë në samitin e Aseanit në Manila dhe do ë ketë bisedime me Presidentin Rodrigo Duterte
TPZ.al
