TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i grupit parlamentar të Partisë Socialiste, Taulant Balla ka deklaruar se deputetët socialistë duhet të votojnë pro projektligjit për reformën territoriale, pasi ai të përmbyllë shqyrtimin në Komisionin e Ligjeve dhe të kalojë për votim në seancë plenare.
Balla tha se vendimi i grupit parlamentar të PS është që të gjithë deputetët të jenë të pranishëm dhe të votojnë pro projektligjit.
“Vendimi politik i grupit parlamentar është që sapo të përmbyllet në komisionin përgjegjës, atë të ligjeve ky projektligj të kalojë për votim në seancë plenare. Vota pro e PS hyn në vendimmarrjet politike për të cilat kërkohet që të gjithë deputetët të jenë prezent dhe të votojnë. Secili ka shqetësimet e veta, ju përmendet me të drejtë kolegun Sina. Një është të kesh diskutimet e tua dhe një është të kesh detyrimin për të votuar vendimmarrjen e grupit parlamentar. Vendimi parlamentar i grupit të PS është që të gjithë deputetët duhet të votojnë pro“,tha Balla.
I pyetur nëse ka penalitet për ata që dalin nga reshti, Balla u përgjigj: “Lexoni rregulloren e grupit parlamentar.”
“Gjithmonë në mbledhjen e grupit parlamentar, ka raste kur deputetet e PS shprehin qëndrimin e tyre, por ajo që pason është vendimi politik”, tha Balla kur u pyet nëse do të ketë takim me dy deputetët e PS që janë shprehur kundër pr.ligjin, Erion Braçe dhe Vullnet Sina.
Balla i bëri thirrje edhe PD që të marrë pjesë në proces dhe nëse ka propozime ti paraqesë ato.
