TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një vrasje me armë ka ndodhur në mes të Durrësit. I vrarë ka mbetur Feriz Bardhi, i cili është një emër i njohur për policinë, pasi është arrestuar në Itali për drogë. Feriz Bardhi ka qenë i arrestuar në Itali për drogë, në vitin 2012-të.
Feriz Bardhi është vrarë te dera e shtëpisë. Disa persona e prisnin Bardhin tek dera dhe sapo ai ka dalë, e kanë qëlluar me breshëri kallashnikovi.
Fillimisht 40-vjeçari u transportua me urgjencë drejt spitalit të Durrësit, por ndërroi jetë në sallën e operacionit, duke mos i mbijetuar plagëve që kishte marrë.
Atentati ka ndodhur në lagjen nr.18 në qytetin bregdetar, pranë Kryqit të Kuq.
Në Itali Bardhi ka qenë i arrestuar për një sasi kokaine. Ai u kap bashkë me shqiptarin Arif Qelia. Në një makinë BMV X6, policia italiane zbuloi 700 gr kokainë. menjëherë u vendosën në pranga Feriz Bardhi dhe Arif Qelia.
Pista kryesore e hetimeve duket se është konflikti për drogën, por policia po vijon hetimet.
Njoftimi i policisë:
Më datë 01.08.2019, rreth orës 12:55, në lagjen Nr.18, Durrës, persona të paidentifikuar kanë plagosur me armë zjarri shtetasin F.B.,40 vjeç, banues në Shën Vlash, Durrës, i cili u transportua në Spital ku dhe ka ndërruar jetë.
Në vendngjarje ka shkuar grupi hetimor ku vijon punën për zbardhjen e rrethanave të ngjarjes.
Policia ka ngritur pika kontrolli dhe po punon intensivisht për identifikimin dhe kapjen e autorëve të kësaj ngjarje.
