TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Demokratike, Lulzim Basha, i ftuar në emisionin "Të Paekspozuarit" nga Ylli Rakipi në MCN TV, është pyetur se çfarë do të ndodhë, nëse zgjedhjet manipulohen dhe vidhen votat.
Basha tha se garancia që kjo të mos ndodhë, është vota masive e qytetarëve.
Pjesë nga biseda:
Rakipi: Çfarë ndodh nëse vidhen votat nesër?
Basha: Kemi marrë të gjitha masat që na takojnë për të garantuar votat e shqiptarëve. Por garancia më e madhe, që një njeri të mos marrë peng të ardhmen e vendit, është të dalin masivisht në kutitë e votimit dhe të votojnë për ndryshimin, që janë të etur të gjithë.
Rakipi: Nesër ju nuk kemi më legjitimitet, për të thënë u vodhën votat, apo jo?
Basha: Vjedhja e votave është dokumentuar nga ODHIR. Është bërë kusht për të hapur negociatat. Nuk ka shqiptar që nuk e ka kuptuar. E vetmja mënyrë që shqiptarët të shpëtojnë veten, familjen dhe shoqërinë është të sjellin ndryshimin.
Garancia për largimin e njeriut që dështoi në gjithçka, është pjesëmarrja masive me votë. Përgjegjësia është e çdo qytetari. E ndjej dhe e prek kudo.
/TPZ.al/
