TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka shkuar në 20 numri i të rinjve që u gjendën te vdekur brenda ambienteve të një klubi nate në East London në Afrikën Jugore.
Rrethanat e ngjarjes tragjike mbeten ende të paqarta ndërsa një zëdhënës i departamentit të shëndetësisë në Eastern Cape tha për Neës24 se trupat e pajetë u dërguan në disa morgje të ndryshme.
“Ne do të bëjmë autopsinë sa më shpejt të jetë e mundur për të përcaktuar shkakun e mundshëm të vdekjes së tyre”, deklaroi Siyanda Manana.
Ndërsa raportohet se dy persona janë në gjendje kritike në spital. 17 prej viktimave u gjetën të vdekur në vendngjarje, ndërsa tre të tjerë humbën jetën në spital.
Gjithsej 35 persona raportohen të zhdukur. Zëdhënësi i policisë, Thembinkosi Kinana, u shpreh se viktimat janë të moshës 18 deri në 20 vjeç.
Ndërkohë familjarët e të rinjve janë mbledhur jashtë “Enyobeni Tavern”, ndërsa policia i ka ndaluar të hyjnë brenda ambienteve të klubit.
Daily Dispatch informon se trupat e pajetë të të rinjve janë gjetur të dyshemenë e klubit (sikur u rrëzuan në dysheme papritmas ndërsa kërcenin ose në mes të një bisede), të tjerë të rrëzuar në karrige dhe të shtrirë në tavolina.
