TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Uashingtoni dhe Londra pritet të njoftojnë marrëveshje ekonomike me vlerë mbi 10 miliardë dollarë gjatë vizitës zyrtare të presidentit amerikan Donald Trump në Mbretërinë e Bashkuar, sipas deklaratave të larta zyrtarëve amerikanë për Reuters.
Sipas të njëjtave burime, Shtetet e Bashkuara dhe Mbretëria e Bashkuar do të nënshkruajnë një marrëveshje tregtare e cila bazohet në tre shtylla kryesore:
-Një bashkëpunim i ri në fushën e shkencës dhe teknologjisë, me synimin për të forcuar sektorin teknologjik të të dy vendeve,
-Bashkëpunim në fushën e energjisë bërthamore për qëllime jo-ushtarake,
-Zgjerim i bashkëpunimit në fushën e teknologjisë së mbrojtjes.
Presidenti Trump do të mbërrijë nesër në Britani për një vizitë të dytë zyrtare me rëndësi historike, e cila nis të mërkurën.
Gjatë vizitës, familja mbretërore britanike do t’i ofrojë një pritje solemne, që përfshin një shëtitje me karrocë tradicionale dhe një darkë zyrtare luksoze.
Pjesa mbretërore e vizitës do të zhvillohet në Kështjellën e Windsor-it, në perëndim të Londrës, rezidenca më e vjetër dhe më e madhe në botë që është ende e banuar, dhe që ka shërbyer si shtëpia e monarkëve britanikë për më shumë se një mijëvjeçar.
Presidenti Trump do të pritet nga kryeministri britanik Keir Starmer në rezidencën e tij qeveritare në Chequers.
