TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shtetet e Bashkuara do të përgjysmojnë numrin e trupave që kanë dislokuar në Siri, konfirmoi Pentagoni.
Shtetet e Bashkuara kanë pasur trupa në Siri prej vitesh, si pjesë e përpjekjeve kundër organizatës ekstremiste, Shteti Islamik (ISIS).
Zëdhënësi i Pentagonit, Sean Parnell, tha se ulja e numrit të trupave pasqyronte “hapat e rëndësishëm që kemi bërë drejt degradimit të aftësive operacionale të ISIS” si ”në rajon ashtu edhe në nivel global”.
Video of the U.S. starting to pull forces out of Syria.
— Visegrád 24 (@visegrad24) April 18, 2025
The U.S. is closing 3 bases in north-eastern Syria and decreasing the number of troops from 2000 to 1400 in the first phase.
Reassessment to be made in 60 days. Army leaders recommend keeping at least 500 troops in Syria pic.twitter.com/1ErwlJRT2j
“Ky proces i qëllimshëm dhe i bazuar në kushte do të zvogëlojë gjurmën e SHBA në Siri në më pak se 1 000 forca amerikane në muajt e ardhshëm”, tha ai në një deklaratë.
”SHBA do të punojë me aleatët për të mbajtur presionin mbi grupin dhe për t’iu përgjigjur çdo kërcënimi tjetër terrorist që lind”, shtoi Parnell.
Në vitet e fundit, Shteti Islamik ka pësuar humbje të mëdha territoriale dhe disfata ushtarake në Sirinë e shkatërruar nga lufta dhe Irakun fqinj.
Megjithatë, operativët e saj herë pas here kryejnë sulme në të dy vendet.
Sipas burimeve zyrtare, Shtetet e Bashkuara do të mbyllin tre baza ushtarake në verilindje të Sirisë, një rajon ku SHBA-ja ka qenë e pranishme prej vitesh, kryesisht në mbështetje të forcave kurde dhe për të luftuar mbetjet e organizatës terroriste ISIS.
Ky zhvillim ka ngritur shqetësime si brenda SHBA-së ashtu edhe tek aleatët rajonalë, të cilët frikësohen se një tërheqje e nxituar mund të destabilizojë më tej situatën në Siri, duke krijuar vakum të rrezikshëm për riaktivizimin e grupeve ekstremiste apo për përshkallëzimin e konflikteve etnike dhe gjeopolitike.
