TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një person ka vdekur dhe një tjetër është zhdukur për shkak të përmbytjeve në zonën e Vicenzas të shkaktuar nga një valë vdekjeprurëse e motit ekstrem që ka goditur Italinë këtë javë.
Makina e dy burrave, babë e bir, u zhyt në përroin Agno, pasi një gropë u hap në një urë në Valdagno mes shiut të rrëmbyeshëm gjatë natës.
Trupi i njërit prej burrave u gjet sot nga brigada e zjarrfikësve të Vicenzës në pellgun e digës Trissino.
Shirat e rrëmbyeshëm të kësaj jave, stuhitë dhe, në disa zona, reshjet e dendura të borës vazhduan të shkaktojnë ndërprerje masive edhe sot, me 6 400 persona në luginën e Aostas që ka mbetur pa energji elektrike.
“Ne po punojmë shumë, por ndërhyrjet tona kushtëzohen nga vështirësitë për të hyrë në zonat e prekura”, tha Giorgio Pession, presidenti dhe CEO i ”Deval”, kompania që shpërndan energjinë elektrike në Luginën e Aostas.
“Nuk kemi arritur ende të arrijmë në disa zona. Po operojmë edhe me ndihmën e një helikopteri. Kogne është vendi ku situata është më delikate, ndërsa energjia është rikthyer në Valdigne, nga Courmayeur në La Thuile”, shtoi ai.
Dje, një burrë 92-vjeçar u mbyt në shtëpinë e tij në një kodër pranë Torinos.
Shkencëtarët thonë se kriza klimatike e shkaktuar nga emetimet e gazrave serrë të njeriut po i bën më të shpeshta dhe më intensive ngjarjet ekstreme të motit, si valët e të nxehtit, thatësirat, stuhitë e mbingarkuara dhe përmbytjet.
Fitimet për gjigantët e energjisë në botë janë veçanërisht të ekspozuara.
Organizata për Zhvillimin, Mjedisin dhe të Drejtat e Njeriut tha se Italia ishte vendi i pestë më i prekur nga këto ngjarje klimatike në periudhën në fjalë pas Republikës Dominikane, Kinës, Hondurasit dhe Mianmarit.
