TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i SHBA-së, Donald Trump deklaroi se nuk është “i kënaqur” me sulmet vdekjeprurëse ruse në Kiev ndërsa ka nënvizuar se presidenti Vladimir Putin duhet të “ndalojë” - por nuk ka thënë nëse mund të ndërmerren veprime të mëtejshme kundër Rusisë.
"Unë nuk jam i kënaqur me sulmet ruse në KYIV. E panevojshme, nuk është koha e duhur. Vladimir, STOP! 5000 ushtarë në javë po vdesin. Le të Kryhet Marrëveshja e Paqes!" tha Trump në Truth Social, duke iu drejtuar presidentit rus.
Duke folur para mediave nga dhoma e kabinetit në Shtëpinë e Bardhë, Trump u shpreh se ai "po ushtron shumë presion" të të dyja palëve për t’i dhënë fund luftës, pas sulmeve më vdekjeprurëse që Kievi ka parë që nga korriku i vitit të kaluar.
I pyetur nëse kishte një afat për të dyja palët, Trump shtoi: "Unë kam afatin tim dhe duam që ai të jetë i shpejtë".
Gjatë natës së të enjtes, sulmet ruse në kryeqytetin ukrainas vranë të paktën 12 persona dhe plagosën 90 të tjerë.
Rusia ka nisur pushtimin e Ukrainës më 24 shkurt 2022, duke shkaktuar mijëra viktima dhe dëme të konsiderueshme materiale, ndërsa komuniteti ndërkombëtar vazhdon të bëjë thirrje për një zgjidhje diplomatike të konfliktit.
