TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një operacion i madh ka përfunduar me arrestimin e një trafikanti të madh droge, që akuzohet rreth 450 vrasje në burgjet e Ekuadorit.
Mediat vendase bënë me dije se qeveria dhe Policia e Ekuadorit raportuan arrestimin në Pasto, Kolumbi të Emilio Farfán, me nofkën “Gato Farfán” ose “Jerry”, të cilin e identifikuan si “trafikantin më të madh të drogës në Ekuador” për sasinë e drogës së dërguar në Shtetet e Bashkuara dhe Evropë.
Presidenti Guillermo Lasso tha se Emilio Farfán është “objektivi me vlerën më të lartë për shtetin ekuadorian”.
Zëvendëskomandanti i Përgjithshëm i Policisë Kombëtare të Ekuadorit, Manuel Iñíguez, shpjegoi se, si rezultat i arrestimit në Kolumbi, janë kryer tre bastisje në provincën bregdetare të Guayas dhe një në Imbabura.
Vëllai dhe ata që administronin pasuritë e tij të paluajtshme banonin në shtëpinë luksoze në Imbabura dhe në Guayas Samborondón, ku u kap një shtetas shqiptar, 37-vjeçari A.R. nga Fieri dhe u konfiskuan 319,000 dollarë, si dhe telefona satelitorë dhe pajisje GPS.
Në Imbabura është bastisur gjithashtu një kështjellë me dyer të blinduara ku janë gjetur katër kasaforta me 90.000 dollarë.
Captura del “Gato”
— Guillermo Lasso (@LassoGuillermo) February 9, 2023
Momento de la captura del narcotraficante Emilio Farfán, el blanco de mayor valor para el Estado ecuatoriano. Estos son los primeros resultados de la cooperación con Colombia en seguridad. Seguiremos informando. pic.twitter.com/wrvW5iZph6
Juan Zapata, në një konferencë për shtyp, pohoi se i arrestuari ishte një nga trafikantët më të kërkuar të drogës në nivel ndërkombëtar dhe “objektivi i vlerës dhe rëndësisë më të lartë për shtetin ekuadorian”, pasi ai ishte drejtuesi i kartelit të vetëquajtur Nueva Generación në Ekuador.
Arrestimi u arrit pas 18 muajsh hetime, në një operacion të përbashkët mes policisë kolumbiane dhe ekuadoriane të quajtur “Ceres” për të ekzekutuar një urdhër arresti për qëllime ekstradimi të kërkuar nga Gjykata e Qarkut Jugor të Kalifornisë (Shtetet e Bashkuara).
Çfarë do të ndodhë me Farfanin? Zapata shpjegoi se ekstradimi në Shtetet e Bashkuara do të kryhet nga Kolumbia, pasi ky vend ka këtë të drejtë ligjore ta bëjë këtë, ndryshe nga Ekuadori, i cili ndalon ekstradimin e ekuadorianëve të kërkuar për çdo krim. Pikërisht, në referendumin e mbajtur të dielën e kaluar në Ekuador, një nga pyetjet e ngritura nga Qeveria për modifikimin e Kushtetutës për çështjet e sigurisë ishte lejimi i ekstradimit të qytetarëve që kërkohen për krim të organizuar. Megjithatë, Ekzekutivi ekuadorian tha “Jo” në tetë pyetjet e parashtruara, përfshirë atë për ekstradimin. Ministri i Brendshëm siguroi se “Gato Farfán” “koordinoi dërgimin e drogës në Shtetet e Bashkuara përmes metodave të ndryshme përmes porteve kryesore të Ekuadorit dhe Meksikës, në bashkëpunim me kartelet Sinaloa dhe Jalisco Nueva Generación”.
Captura del “Gato” Momento de la captura del narcotraficante Emilio Farfán, el blanco de mayor valor para el Estado ecuatoriano. Estos son los primeros resultados de la cooperación con Colombia en seguridad. Seguiremos informando. pic.twitter.com/wrvW5iZph6 — Guillermo Lasso (@LassoGuillermo) February 9, 2023
Gjithashtu, ai pohoi se i arrestuari është përgjegjës për disa nga masakrat e burgjeve të ndodhura në Ekuador në vitet e fundit dhe që kanë lënë të vrarë më shumë se 450 të burgosur që nga viti 2020 dhe për disa vrasje të tjera në rrugët publike të vendit.
Nga ana e tij, Zëvendës Komandanti i Përgjithshëm i Policisë Kombëtare të Ekuadorit, Manuel Iñíguez, vuri në dukje se “Gato Farfán” ishte arrestuar në fillim në vitin 2013 dhe kishte kaluar kohë në burg derisa u lirua përsëri.
Në Ekuador, më shumë se 400 ton drogë janë kapur në dy vitet e fundit, gjë që e vendos atë si vendin e tretë me më shumë konfiskime, vetëm pas Kolumbisë dhe Shteteve të Bashkuara, sipas Raportit të fundit Botëror të Drogës, të lëshuar nga Shtetet e Bashkuara.
I njëjti dokument vendosi portin e Guayaquil, kryeqyteti i provincës Guayas, si një nga trampolinat kryesore në Amerikën e Jugut për kokainën që arrinte në Evropë dhe Shtetet e Bashkuara.
