TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Forcat e Mbrojtjes së Izraelit kanë konfirmuar zyrtarisht se lideri i Hezbollahut, Hassan Nasrallah është vrarë.
Në një deklaratë të shpërndarë në llogarinë ‘X’ të IDF, thuhet: “Hassan Nasrallah nuk do të jetë më në gjendje të terrorizojë botën”.
Në deklaratë, thuhet se përveç Hassan Nasrallah, janë vrarë edhe anëtarë të tjerë të lartë të grupit të mbështetur nga Irani.
IDF thotë se avionët luftarakë kryen një “goditje në shënjestër” në shtabin qendror të Hezbollahut, për të cilin deklaron se ndodhej “nëntokë nën një ndërtesë banimi në zonën e Dahieh në Bejrut”.
Ai shton se sulmi u krye ndërsa “zinxhiri i lartë i komandës” i grupit po vepronte nga periferia e Dahieh në Bejrutin jugor, një bastion i grupit të armatosur.
“Hassan Nasrallah nuk do të jetë më në gjendje të terrorizojë botën”, thuhet në një deklaratë të shpërndarë në X nga IDF.
Deklarata vjen pas një serie sulmesh gjatë natës në Bejrut për të cilat Izraeli tha se synonin Nasrallah dhe komandantët e tjerë të Hezbollahut.
Sheikh Hassan Nasrallah , udhëheqësi i lëvizjes militante shiite islamike Hezbollah në Liban, është një nga figurat më të njohura dhe më me ndikim në Lindjen e Mesme.
Nasrallah nuk është parë në publik prej vitesh për shkak të frikës se mund të vritet nga Izraeli.
Një figurë e errët me lidhje të ngushta personale me Iranin, ai luajti një rol kyç në kthimin e Hezbollahut në forcën politike dhe ushtarake që është sot.
Nën udhëheqjen e Nasrallah, Hezbollahu ka ndihmuar në trajnimin e luftëtarëve nga grupi i armatosur palestinez Hamas, si dhe milicitë në Irak dhe Jemen, dhe ka marrë raketa nga Irani për t’u përdorur kundër Izraelit.
