TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministrja e Jashtme e Estonisë, Eva-Maria Liimets u kërkoi vendeve të tjera të rrisin sanksionet dhe presionin ndaj Rusisë. “Ne kemi parë se Rusia është bërë një agresor dhe kërcënim në arenën ndërkombëtare,” tha Liimets në një intervistë për CNN.
“Është e vështirë të zhvillohen marrëdhënie të mira fqinjësore dhe për këtë arsye, nga këndvështrimi im, është absolutisht e përshtatshme të zvogëlohet numri i pranisë diplomatike të Rusisë në Estoni”, shtoi ai.
Më herët, Estonia njoftoi se do të mbyllë të dy konsullatat ruse në vend dhe do të dëbojë 14 punonjës pas mizorive të zbuluara se janë kryer nga forcat ruse kundër civilëve ukrainas.
“Kjo nuk mjafton për të bërë presion ndaj Rusisë që të ndalojë luftën dhe për këtë arsye ne punojmë edhe me sanksione me paketën e pestë brenda Bashkimit Evropian”, u shpreh Liimets.
Ministrja e Jashtme vuri në dukje gjithashtu se Estonia do të dëshironte të shihte reforma në Këshillin e Sigurimit të Kombeve të Bashkuara, në të cilin Rusia është anëtare e përhershme.
Liimets shpjegoi se anëtarët e përhershëm nuk duhet të kenë të drejtën e vetos kur bëhet fjalë për çështjet që lidhen me mizoritë.
“Është shumë për të ardhur keq të shohësh se në mesin e atyre vendeve anëtare të përhershme, ka edhe një agresor dhe agresori ka sabotuar të gjithë punën e Këshillit të Sigurimit të Kombeve të Bashkuara”, tha ajo.
Liimets u kërkoi gjithashtu vendeve të tjera anëtare të OKB-së që të mbështesin Ukrainën me ndihmë ushtarake dhe të vazhdojnë të izolojnë politikisht dhe ekonomikisht Rusinë.
