TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Jashtëm i Rusisë, Sergei Lavrov, mbërriti sot në Korenë e Veriut për një vizitë zyrtare, në një moment kur Moska dhe Peniani kanë intensifikuar ndjeshëm bashkëpunimin, përfshirë në fushën ushtarake.
Sipas agjencive shtetërore ruse TASS dhe RIA Novosti, Lavrov u prit në qytetin bregdetar Uonsan, në brigjet e Detit të Japonisë, ku autoritetet koreano-veriore inauguruan një zonë të re turistike në fund të qershorit. Gjatë vizitës, shefi i diplomacisë ruse pritet të zhvillojë bisedime me homologen e tij koreano-veriore, Choe Son Hui.
Vizita e Lavrovit vjen një muaj e gjysmë pas asaj të sekretarit të Këshillit të Sigurisë së Rusisë, Sergei Shoigu, në Phenian, në kuadër të përvjetorit të parë të marrëveshjes së mbrojtjes reciproke të nënshkruar mes dy vendeve.
Bashkëpunimi ushtarak mes Rusisë dhe Koresë së Veriut është rritur ndjeshëm vitet e fundit. Peniani ka furnizuar Moskën me armë dhe personel ushtarak për të mbështetur pushtimin rus në Ukrainë. Sipas burimeve ndërkombëtare, një njësi ushtarake koreano-veriore ka marrë pjesë në luftime përkrah ushtrisë ruse në rajonin e Kurskut, një zonë që ishte pjesërisht nën kontrollin e forcave ukrainase deri në prill të vitit 2025.
Si shenjë e mëtejshme të afrimit mes dy vendeve, Rusia ka lejuar linjën ajrore Nordëind Airlines të operojë deri në dy fluturime në javë mes Moskës dhe Phenianit.
