TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas dy tërmeteve katastrofike në Venezuelë, një 11-vjeçar është gjendur i gjallë nën rrënoja në La Guaira ku gjendej i bllokuar prej 4 ditësh, raportojnë mediat e huaja.
“Moisés u shpëtua i gjallë dhe është i sigurt! Me krenari të thellë njoftojmë se ekipi USAR COL-1 i Kolumbisë shpëtoi të gjallë Moisés, djalin 11-vjeçar që kishte mbetur i bllokuar nën rrënoja në La Guaira, Venezuelë”, njoftuan ekipet e kërkim-shpëtimit.
Gjatë operacionit që zhvillohej në garë kundër kohës, fëmijës iu dhanë sasi të mëdha uji për ta hidratuar, ndërsa pjesëtarët e ekipit ndërkombëtar hiqnin rrënojat.
Sipas shpjegimit të dhënë nga një prej drejtuesve të ekipit USAR Col-1, Moisés ndodhej në një thellësi prej tre metrash dhe me pajisje të specializuara u hoqën pllakat me përmasa të mëdha që më pas ta nxirrnin.
Mes duartrokitjeve të atyre që po vëzhgonin punimet e shpëtimit, Moisés u cilësua si një nga “mrekullitë” e kësaj tragjedie që ka shkaktuar 1.430 viktima dhe 3.238 të plagosur deri tani, sipas presidentes në detyrë, Delcy Rodríguez.
Sipas bilancit më të fundit zyrtar, të paktën 1.430 persona kanë humbur jetën, ndërsa 3.238 të tjerë janë plagosur nga dy tërmetet e fuqishme me magnitudë 7.2 dhe 7.5, që goditën Venezuelën me vetëm pak sekonda diferencë të mërkurën.
Autoritetet druhen se numri i viktimave do të rritet ndjeshëm, pasi më shumë se 50 mijë persona rezultojnë ende të zhdukur.
Dëmet e shkaktuara nga dy tërmetet vlerësohen në rreth 7 miliardë dollarë, një shumë që përfaqëson afërsisht 6% të Prodhimit të Brendshëm Bruto (PBB) të Venezuelës, sipas vlerësimit të publikuar nga Programi i Kombeve të Bashkuara për Zhvillim (UNDP).
Vlerësimi paraprak i UNDP-së, i kryer në orët e para pas katastrofës, bazohet kryesisht në imazhe satelitore dhe të dhëna demografike.
Megjithatë, organizata sqaron se kjo përllogaritje nuk përfshin dëmet në infrastrukturë, pasojat e plota ekonomike apo koston afatgjatë të rindërtimit, duke theksuar se ndikimi real i katastrofës mund të jetë deri në tre herë më i madh.
Buenas noticias en medio de esta tragedia.
— Carlos F. Galán (@CarlosFGalan) June 27, 2026
Varios uniformados de @BomberosBogota participaron, junto al resto del equipo USAR Colombia 1, en el rescate de Moisés, un niño de 11 años que estaba atrapado entre los escombros y fue encontrado con vida.
Tengo fe en que el equipo… pic.twitter.com/kBTBp7nlov
