TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Luftimet vazhduan me intensitet për të tretën ditë me radhë të shtunën midis grupit Shteti Islamik dhe forcave kurde në Siri pasi ISIS-i sulmoi një burg ku strehoheshin xhihadistët. Dhuna ka shkaktuar vdekjen e mbi 70 vetëve, tha një organizatë monitoruese.
Sulmi ndaj burgut në qytetin verior Hasakeh është një nga më të rëndët që ndërmerr ISIS-i që kur “kalifati” i vetëshpallur, u deklarua i mundur në Siri gati tre vjet më parë.
Kreu i Observatorit Sirian për të Drejtat e Njeriut, Rami Abdel Rahman tha se të paktën 28 anëtarë të forcave kurde të sigurisë, pesë civilë dhe 45 anëtarë të ISIS-it janë vrarë nga dhuna.
ISIS-i nisi sulmin të enjten mbrëma kundër burgut ku strehoheshin rreth 3,500 anëtarë të dyshuar të grupit xhihadist, përfshirë disa nga udhëheqësit e tij, tha Observatori.
Qindra nga të burgosurit xhihadistë të liruar janë kapur, por dhjetëra besohet se janë ende të lirë, tha Observatori.
Burgu është i rrethuar nga forcat kurde me mbështetjen e koalicionit ndërkombëtar, shtoi ai./ VOA
