TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri izraelit, Benjamin Netanyahu, iu përgjigj me skepticizëm njoftimit të Hamasit të mërkurën në mbrëmje, se ishte gati për një marrëveshje gjithëpërfshirëse.
“Fatkeqësisht, ky është një tjetër marifet mediatik nga Hamasi, i cili nuk përmban asgjë të re. Lufta mund të përfundojë menjëherë, por vetëm sipas kushteve të përcaktuara nga Kabineti i Sigurisë”, u shpreh ai mes të tjerash.
Kjo deklarata erdhi si përgjigje ndaj asaj të Hamasit më herët, ku njoftoi “gatishmërinë e tij për të arritur një marrëveshje gjithpëfshirëse, për të liruar pengjet dhe për t’i dhënë fund luftës”.
Duke dhënë edhe argumentet përkatëse të çështjes, kreu i qeverisë së Tel Avivit shpjegoi dhe kushtet:
“Lirimi i të gjitha pengjeve; çmontimi i arsenalit të Hamasit; demilitarizimi i plotë i Rripit; kontrolli i sigurisë izraelite mbi Rripin; dhe krijimi i një administrate civile alternative që nuk përbën kërcënim për Izraelin”.
Këshilli i Sigurisë ka miratuar planin për pushtimin e Rripit të Gazës në disa faza dhe kryeministri Benjamin Netanyahu e mbështet fortë atë, me qëllim mposhtjen e plotë të Hamasit.
Më herët, në deklaratën e lëshuar, Hamsasi tha se:
“Kjo marrëveshje do të përfshijë: tërheqjen e plotë të forcave pushtuese nga i gjithë Rripi; hapjen e kalimeve për hyrjen e të gjitha mallrave dhe nevojave të popullsisë; dhe fillimin e një procesi rindërtimi. Për më tepër, lëvizja përsërit gatishmërinë e saj për të formuar një qeveri të pavarur kombëtare të përbërë nga teknokratë, e cila do të menaxhojë në mënyrë gjithëpërfshirëse punët e Rripit të Gazës dhe do të marrë menjëherë të gjitha përgjegjësitë në të gjitha fushat”.
