TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Mbrojtjes së Izraelit, Yoav Gallant, ka deklaruar se Forcat e Mbrojtjes izraelite (IDF) kanë eliminuar një komandant të lartë të Gardës Revolucionare Islamike të Iranit (IRGC) gjatë një sulmi ajror në qytetin Qom, në territorin iranian. Lajmi është bërë i ditur nga mediat izraelite dhe agjencia Reuters.
Sipas autoriteteve izraelite, i vrari është Saeed Izadi, një zyrtar i lartë i Forcës Quds, e cila merret me operacione ushtarake jashtë Iranit. Ai dyshohet se ka qenë i përfshirë në financimin dhe furnizimin me armë të Hamasit, grupit palestinez të shpallur si organizatë terroriste nga Izraeli dhe aleatët e tij perëndimorë.
“Ky është një sukses i madh për inteligjencën dhe Forcën Ajrore të Izraelit. Drejtësi për viktimat dhe për pengjet. Dora e gjatë e Izraelit do të kapë çdo armik, kudo që të jetë,” u shpreh ministri Katz.
Ndërkohë, autoritetet iraniane nuk e kanë konfirmuar ende zyrtarisht vdekjen e Izadit, ndërsa as Garda Revolucionare nuk ka dhënë një reagim publik.
Ngjarja vjen në një kohë të tensionuar në rajon, me përshkallëzim të vazhdueshëm të konfliktit midis Izraelit dhe grupeve të mbështetura nga Irani, përfshirë Hamasin dhe Hezbollahun.
