TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-ministri francez i Kulturës, Jack Lang, ka propozuar dorëheqjen nga posti i presidentit të Institutit të Botës Arabe (IMA), përmes një letre drejtuar ministrit të Jashtëm francez, pas nisjes së një hetimi nga prokuroria financiare lidhur me marrëdhëniet e tij me Jeffrey Epstein.
“Propozoj të paraqes dorëheqjen time gjatë mbledhjes së ardhshme të jashtëzakonshme të bordit drejtues”, shkruan Lang në letrën e tij, të cilën e ka parë Agjencia Franceze e Lajmeve. Ai është thirrur ditën e nesërme, të dielën, në Ministrinë e Jashtme.
Të premten, prokuroria financiare franceze hapi një hetim paraprak për “pastrim të përfitimeve nga mashtrimi me rrethana rënduese” ndaj Jack Lang dhe vajzës së tij, Caroline. Megjithatë, në këtë fazë, Lang nuk është zyrtarisht i akuzuar për ndonjë vepër penale.
Ministri i Jashtëm Jean-Noël Barrot, nën juridiksionin e të cilit ndodhet Instituti i Botës Arabe, konfirmoi se ka marrë dijeni për propozimin e dorëheqjes së Lang. Ai njoftoi gjithashtu se do të nisë procedurat për emërimin e një pasuesi dhe se brenda shtatë ditësh do të thërrasë një mbledhje të bordit, e cila do të caktojë një president të përkohshëm të institutit.
Jack Lang është vënë në qendër të kritikave pas publikimit, në fund të janarit, të dokumenteve të reja që lidhen me financierin amerikan dhe shkelësin seksual Jeffrey Epstein, ku përmenden marrëdhënie mes dy burrave. Edhe pse Lang nuk akuzohet drejtpërdrejt, fakti që emri i tij përmendet 673 herë në komunikime të lidhura me Epstein dhe raportet e interesit mes tyre, ka nxitur reagime të forta politike dhe kërkesa për largimin e tij nga drejtimi i IMA.
Në një deklaratë për AFP, Jack Lang i ka mohuar akuzat, duke theksuar se “akuzat ndaj meje janë të pabaza”.
