TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kremlini ka publikuar disa imazhe të presidentit rus Vladimir Putin në një qendër komandimi në rajonin Kursk të Rusisë.
Kjo është vizita e parë e presidentit rus në rajon që nga inkursioni i Ukrainës përtej kufirit në gusht të vitit të kaluar.
Më shumë se 1,100 km katrorë të territorit të marrë nga Ukraina në rajon janë rimarrë nga Rusia, pretendon shefi i Shtabit të Përgjithshëm Valery Gerasimov.
BBC raporton se presidenti rus, Vladimir Putini mbajti një fjalim gjatë vizitës në Kursk.
Putin u shfaqe me uniformë ushtarake në vizitën e tij në Kursk.
Ai i bëri thirrje trupave të tij për të mposhtur armikun dhe për të çliruar plotësisht rajonin, sipas citimeve të mediave ruse.
Putin tha gjithashtu se trupat armike të kapur në rajon do të trajtohen si terroristë.
Ndërkohë, në një përditësim operacional, shefi i shtabit të përgjithshëm të Rusisë i tha Putinit se forcat ukrainase në rajon janë të rrethuara, duke shtuar se planet e Kievit kanë dështuar.
Ndërkohë Shtëpia e Bardhë konfirmon se i dërguari special do të shkojë në Moskë.
Këshilltari i Sigurisë Kombëtare i Trump, Mike Waltz, ka pasur një telefonatë sot me homologun e tij rus për të diskutuar propozimin e armëpushimit të rënë dakord nga Ukraina dhe SHBA, ka konfirmuar Shtëpia e Bardhë.
Më vete, i dërguari special i Trump, Steve Witkoff do të udhëtojë për në Moskë më vonë këtë javë, sipas sekretares së shtypit të Shtëpisë së Bardhë Karoline Leavitt.
"Ne i nxisim rusët të nënshkruajnë këtë plan," u tha Leavitt gazetarëve, duke shtuar se presidenti "pret që rusët të na ndihmojnë ta drejtojmë këtë në zonën përfundimtare".
